Kebaktian GBKP Minggu, 28 April 2019

Kebaktian GBKP KM 8 - MINGGU, 28 APRIL 2019

(QUASIMODOGENITI : BAGI ANAK SI MBARU TUBUH)

BAHAN KHOTBAH

Invocatio : Masmur 27 : 4

4. Sada ngenca pemindonku man TUHAN,
sada ngenca sura-surangku e me
ringan i bas Rumah TUHAN kidekah geluhku
guna nggejapken kiniulin TUHAN
dingen mindo gelah itegu-teguNa.

Ogen : Johanes 21 : 1 – 14 (Tunggal)
Jesus ncidahken diriNa man pitu kalak ajar-ajarNa

1. Kenca si ndai icidahken Jesus ka diriNa sekali nari man ajar-ajarNa i Dano Tiberias. Bagenda me turi-turinna: 

2. Asum pulung Simon Petrus, Tomas (si igelari si Kembar), Natanael (anak kuta Kana i daerah Galilea), ras anak-anak Sebedeus bage pe dua kalak nari ajar-ajar Jesus si deban,
3. nina Simon Petrus man teman-temanna e, “Ateku lawes njala nurung.”
Ngaloi teman-temanna e, “Kami pe ikut.” E maka berkat kalak e, inangkihna sada perahu. Tapi i bas berngi si ndai sada nurung pe la idatna.
4. Terangkenca wari, tedis Jesus i tepi dano; tapi la IA itandai ajar-ajar e.
5. Iperkuanken Jesus ajar-ajarNa e nina, “O senina, lit nge idatndu nurung?”
Erjabap kalak ndai, “Lang, sada pe la lit.”
6. E maka nina Jesus man kalak e, “Amburken jalandu kempak kemuhen perahu e, tentu rulih kam.” Iamburken kalak ndai jalana, jenari lanai ia ngasup ngerintaksa sabap melala kal nurung i bas.
7. Nina ajar-ajar si ikelengi Jesus man Petrus, “Tuhan kap si ngerana man banta e!” Kenca ibegi Simon Petrus maka Tuhan kap si tedis i tepi dano e, ipakena jubahna (sabap ndai enggo itangtangina) jenari lompat ia ku lau.
8. Ajar-ajar si deban pe ku tepi ras perahu e janahna ngerintak jala si dem nurung e. Kalak e labo ndauh i tepi nari; kira-kira seratus meter ngenca.
9. Kenca seh i daraten, idapetina enggo merara arang, janah i babo api e lit nurung ras roti.
10. Nina Jesus man ajar-ajarNa e, “Baba ku jenda piga-piga nurung si mbaru itangkapndu e.”
11. Lawes Simon Petrus ku perahu, jenari irintakna jalana ndarat. Jala e dem nurung kegalangen, buena seratus lima puluh telu. Amin bage pe buena, labo merigat jala e.
12. Nina Jesus man ajar-ajarNa e, “Mari, man kita.” Sada pe ajar-ajar e la pang nungkun, “Ise Kam?” Sabap ietehna nge maka Tuhan kap e.
13. E maka ibuat Jesus roti, jenari iberekenNa man kalak ndai. Bage pe nurung e iberekenNa man ajar-ajarNa.
14. Enda me petelu kaliken Jesus ncidahken diriNa man ajar-ajarNa kenca IA ipekeke i bas si mate nari.

Khotbah : Masmur 116 : 5 – 9 (Responsoria)

5. TUHAN e perkuah dingen bujur kap,
Dibatanta e perkeleng kap.
6. Ikawali TUHAN kap kalak si la lit si nampatisa,
tupung aku i bas kebiaren, TUHAN si mulahisa.
7. O tendingku, tenenglah,
sabap TUHAN tetap erbahan si mehuli man bandu.
8. TUHAN enggo mulahi aku i bas kematen nari,
isapuiNa iluhku
janah ikawaliNa perdalanku gelah ola guling.
9. E maka banci aku erdalan i adep-adepen TUHAN,
ngenanami kegeluhen i doni enda.

Tema : ”Tenenglah Tendingku, Tuhan Erbahan Si Mehuli”

ENDE-ENDEN

1. KEE 278 : 1-3 ( KLIK JUDUL KEE UNTUK MELIHAT LIRIK TEKS LAGU )
2. KEE 201 : 1-3 ( KLIK JUDUL KEE UNTUK MELIHAT LIRIK TEKS LAGU )
3. KEE 374 : 1-3 ( KLIK JUDUL KEE UNTUK MELIHAT LIRIK TEKS LAGU )
4. KEE 212 : 1-3 ( KLIK JUDUL KEE UNTUK MELIHAT LIRIK TEKS LAGU )
5. KEE 233 : 1-    (Persembahen)
6. KEE 190 : 1-3 ( KLIK JUDUL KEE UNTUK MELIHAT LIRIK TEKS LAGU )

Share this post