Pilpres Ras Pileg, Berpartisipasi I Bas Politik ( Bimbingen PA Mamre )

BAHAN BIMBINGEN PA MAMRE, TANGGAL, 31 MARET - 06 APRIL 2019 ( PILPRES RAS PILEG ) BERPARTISIPASI I BAS POLITIK)

Ogen : 1 Timotius 2 :1-2

Kebaktin i bas perpulungen
1. Perlebe kukataken gelah isehkenndu sapaat, pemindon, pertoton ras pengataken bujur man Dibata guna kerina manusia;
2. guna raja-raja ras kerina si erkuasa, gelah banci kita nggeluh senang dingen dame, erkemalangen man Dibata alu lagu langkah si payo.

Tema : Ikut Milih Peminpin
Tujun : Gelah Mamre

Sedar dingen ertanggungjabab i bas milith ras ipilih jadi peminpin
Erpartisipasi aktif i bas pemilihen Presiden ras legeslatif

KATA PENARUH :
Rikutken konteks ras realita itengah-tengah bangsa Indonesia paksa enda siperlu isikapi e me pesta demokrasi pemilihen Presiden ras Wakil Presiden bage pe pemilihen Legislatif ras DPD. Selaku kalak Kristen tentuna la banci lang sidahiken dahin simbelin enda erpalasken pengidah ras pemahamen teologis kerna hubungan Gereja ras politik e me antara lain :

Gereja aktif maba "tranformasi" kegeluhen si lebih mehuli alu nirai ras nerangi doni enda guna kesejahteraan masyarakat.
Gereja mpelebeken politik moral si memperjuangkan kesejahteraan publik.
Gereja ikut i bas nehken pengaruh arah pendapat ras kebijaken guna kepentingan masyarakat ras nandangi kalak si medanggel geluhna.
Gereja la terlibat i bas politik kekuasaan tapi menggerakkan anggota jemaat guna masuk ras berperan i bas tata kelola kekuasaan.

Enggo melala ibahas kerna hubungen Gereja ras Politik. I bas erbage-bage dokumen khususna gereja-gereja si tergabung kubas PGI, jelas teridah maka tekad Gereja i bas bidang politik irumusken: "Gereja ditempatkan oleh Tuhan untuk melaksanakan tugas panggilannya dalam konteks sosial-politik, sosial-ekonomi dan budaya tertentu. Kehadiran Gereja-gereja di Indonesia dalam Negara Kesatuan Republik Indonesia dilihat sebagai pengutusan Allah agar gereja-gereja aktif mengambil bahagian dalam mewujudkan perdamaian, keadilan dan keutuhan ciptaan di Indonesia. Seperti yang tertulis dalam kitab jeremia: "Usahakanlah kesejahteraan kota kemana kamu Aku buang, dan berdoalah bagi kota itu, karena kesejahteraannya adalah kesejahteraanmu" (Jer. 29:7). Kesejahteraan kota si i maksud e me situasi kesejahteraan rakyat si la terlepas hubungenna ras peran negara. Kalak Kristen tek maka negara / pemerintah e me alat Tuhan si tujunna guna mensejahterakan manusia ras pekena-kena kerina tinepaNa.

Selaku lembaga keagamaan si otonom, gereja mengemban fungsi bage pe otoritas si bebas i bas pengaruh negara nari, ras sebalikna gereja la berhak guna mengatur negara erkiteken negara lit fungsina tersendiri bas ndalanken pemerintahenna. Alu bage sikap gereja la banci ipeseri ras partai-partai politik, gereja mengembangkan suatu politik moral.

URAIAN TEKS / TAFSIREN
Teks enda tuhu-tuhu ncidahken pemindon Paulus man si Timotus bage pe man kalak Kristen guna nehken pertoton gelah tercipta situasi kegeluhen si senang dingen dame. Paulus ngajuk gelah Timotius notoken kerina manusia, kerina raja-raja ras kerina si erkuasa. Sebab erbahan pertoton e me prinsip persadan Kristen si tujunna ku bas sada situasi syalom / damai sejahtera itengah-tengah kegeluhen doni enda. Banci saja kerina raja-raja / kaisar, kerina si erkuasa e me pihak penganiaya kekristenan, tapi gereja la pernah ngadi notokenca. I bas pengalamen Paulus nehken Berita si Meriah, megati penguasa ntah pe Kaisar ngelakoken tekanen ras hukumen man bana. Tapi kesadarenna kerna pemerintah mbelin peranna guna mereken kesejahteraan man masyarakat. Emaka iajukna gereja terus ertoto gelah negara ndalanken fungsina alu payo. Tertulianus sekalak peminpin gereja i bas masa awal kekristenan ngataken : "Umat kristen bukan musuh siapapun, berdoalah untuk umur panjang, keamanan negara, keselamatan istana, anggota senat yang dapat dipercaya, rakyat yang jujur, dan perdamaian dunia. Kita berdoa untuk para penguasa, untuk negara, untuk perdamaian segala sesuatu dan untuk akhir zaman yang tertunda". Sura-sura Paulus ningetken Timotius labo sekedar ningetken kerna ertoto, tapi terdauhen Paulus ncidahken fungsi gereja i bas tugas utama mberitaken berita keselamaten e me enciptaken suasana kegeluhen si senang ras dame. Kalak Kristen tetap ikut lako mahan kegeluhen si mereken kemalemen ate aminna pe pihak-pihak penguasa la erpihak nandangi kekristenen. Situasi si bagenda lit menaken awal kekristenan khususna ngalaken kaisar-kaisar si cukup kejam salah sadana e me kaisar Nero. I bas situasi si bage, Petrus ningetken: Mehamatlah man kerina manusia, kelengilah temanndu si sada kiniteken, erkemalangen lah man Dibata, janah mehamatlah man raja ( 1 Pet :17 ).

APLIKASI
Pemilihan Umum tentuna lanai asing man banta. Pemilu e me bagin domokrasi si ilaksanaken arah kegiatan politik praktis guna milih pengelola ras parlemen negara. Pemilu eme perintah konstitusi i bas kerangka kedaulatan rakyat. I bas kesempaten partisipasi enda: "Rakyat harus mampu menempatkan aspirasinya pada orang yang tepat. Suara kita berharga, suara kita ikut menentukan. Ini berarti kita harus memilih baik-baik orang-orang yang pantas, yang dirasa dapat memperjuangkan aspirasi rakyat". Undang-undang menjamin ras mengamanatkan gelah pemilu erdalan alu prinsip "Jujur ras Adil", "Langsung, Bebas ras Rahasia". Selaku kalak Kristen tentuna siperlu iperdiateken i bas kita milih e me Labo kam similih Aku, tapi Aku nge similih kam ( Joh. 15:16a ). Alu pemahamen enda maka ertoto eme tahapan penting i bas kita nentuken pilihen. Ertoto ras notoken.

Sieteh maka i bas kai pe Dibata erdahin guna kiniulin man kalak si erkeleng ate man baNa, eme kalak si enggo ipilih Dibata arah sura-suraNa. ( Rm. 8:28 )
Tapi nina Tuhan: "Ola nehen kuga gedangna ras kuga jilena rupana. La ia kupilih, sebab pertimbangenKu, la bali pertimbangen ras manusia. Adi manusia inehenna si teridah arah darat, tapi Aku Kupernehen pusuhna" ( 1 Sam. 16:7 )
Arus maka kalak enda bujur dingen rembang tengah carana ngadili. La banci ia ngaloken sogok, sebab pemere erbahan pentang mata, aminna pe ia kalak pentar dingen kalak bujur, janah e erbahanca ia erbahan keputusen si salah. ( Ul. 16:19) Perlu mengenal karakter (track record) calon: kejujurenna, moralitasna, pengalamenna, karya nyata kepedulian sosialna, perilakuna, hubungan keluarga ras pendahinna ope denga jadi calon, prestasi si pernah iraihna, kelompok basis pendukungna, partai-partai politik si mendukungsa si setia nandangi Pancasila, UUD 1945, Bhineka Tunggal Ika ras NKRL

DISKUSI :
Diskusiken kai sibanci ilakoken Mamre guna menciptakan Pemilu Damai ras meminimalisasi Golput?

USUL ENDE-ENDEN :