Momo 31 Maret 2019 GBKP KM 8

Momo GBKP KM 8

Kebaktian GBKP MINGGU, 31 MARET 2019
(PASSION V/LETARE : TERIDAHLAH)

BAHAN KHOTBAH

Invocatio : Jesaya 66 : 10

10. Ermeriah ukurlah ras Jerusalem, ersuraklah, o kam kerina si ngkelengi kuta e, kam si mbaruenda erceda ate erkiteken ia, genduari ermeriah ukurlah ras ia.

Ogen : Titus 2 : 11 – 14 (Tunggal)

11. Sabap enggo ipetangkas Dibata lias ateNa guna keselamaten kerina manusia.
12. Lias ateNa e ngajari kita nadingken kegeluhen si la ngena ate Dibata ras sura-sura doni, gelah nggeluh kita ngkuasai dirinta, bujur dingen si sembah Dibata alu kegeluhenta i doni enda.
13. Genduari kita paksa nimai Wari kemalemen ate si iarapken kita e me kerehen sinalsal Dibatanta si Mbelin ras si Engkelini kita Jesus Kristus.
14. Enggo iendeskenNa diriNa guna kita, lako nebusi kita i bas kerina si jahat nari, jenari ibahanNa kita jadi sikerajangenNa, jadi bangsa si bersih, si mesikel erbahan mehuli.

Khotbah : Jesaya 65 : 17 – 25 (Tunggal)

Tinepa si mbaru
17. Nina TUHAN, “Kutepa doni si mbaru ras langit si mbaru. Kejadin-kejadin si enggo lepas ilupaken kerina.
18. Ersurak ras ermeriahlah seh rasa lalap erkiteken kai si Kutepa. Jerusalem si mbaru si Kutepa e, dem pagi alu keriahen janah kalak si ringan i je malem atena nggeluh.
19. Aku jine pe dem alu keriahen erkiteken Jerusalem ras bangsangKu si ngianisa. Lanai lit kalak tangis i je, lanai lit kalak erlebuh mindo penampat.
20. Anak-anak lanai mate tupung ia gara-gara denga, janah umurna gedang pagi kerina. Kalak si umurna seratus tahun ikataken ia nguda denga. Kalak si mate ope denga umur si bage, e tandana maka Kuukum ia.
21-22. Ipajekken bangsangKu pagi rumah janah ia nge ngiani rumah e, labo kalak si deban. Isuanna batang anggur janah ia nge si ngenanami ulihna, nggedang pagi umur bangsangKu, bali ras batang kayu i kerangen. Kasa kai ulihna latih, tuhu-tuhu kal inanamina.
23. Kelatihenna la sia-sia, janah anak-anakna pe la jumpa cilaka. Kupasu-pasu ia ras kerina kesusurenna terus ku bas paksa-paksa si reh.
24. Ope denga ia erlebuh enggo Kualoi, sanga ia ngerana denga enggo Kubegiken.
25. Anak biri-biri radu nggagat ras serigala; singa pe man dukut bali ras lembu, janah nipe lanai man kebiaren. I Sion, delengKu si badia, lanai lit si ncedai tah pe si jahat.”

Tema : ”Ersurak Ras Ermeriahlah Erkiteken Tinepa Simbaru”

ENDE-ENDEN :