KEE 220 Suan Kol
KEE No. 220 : 1 - 2 ( Suan Kol )
Ayat 1 :
Suan kol la lit ergana
Suan tomat kena bayung
‘Di cengkih pe labo erbunga
Binaga pe la lit lakona
Anem page k’rina lambang
’Tah pe manuk kena bernung
Asuh-asuhen pe kerina
Enggo keri me kap terdaya
Reff :
I je pusuhku erbebe,
Ku janari perlawesku
Makana lit si malemna,
Iakap singk’lini aku
Ia kapen sekawalku,
Ibas k’rina pergeluhku
Kuendesken man Dibata,
K’rina perbeben geluhku
Ia si pejoresa,
Pengapul situhu-tuhu
Enggo tetap me ukurku,
Ibas k’rina pergeluhku
Ayat 2 :
S’kali meseng gia rumahta
‘Tah pe calat k’rina erta
Lit keutangen erbinaga
Muat dahin pe kap mesera
Wari lego seh dekahna
Kai pe suan labo mbera
Reh me penakit ukur nera
‘Nggo tambah-tindih s’ra suina
Reff :
I je pusuhku erbebe,
Ku janari perlawesku
Makana lit si malemna,
Iakap singk’lini aku
Ia kapen sekawalku,
Ibas k’rina pergeluhku
Kuendesken man Dibata,
K’rina perbeben geluhku
Ia si pejoresa,
Pengapul situhu-tuhu
Enggo tetap me ukurku,
Ibas k’rina pergeluhku
Syair dan Lagu : S. Tarigan, 1983
Erpalasken : Habakuk 3 : 17 - 19
0 Response to "KEE 220 Suan Kol"
Post a Comment